विद्युतीय सुरक्षा दिबसमा सचेतनामुलक प्रभातफेरी

महिमाखबर महिमाखबर
|
मंगलबार, चैत्र २६, २०८१
|
|
१२० पटक हेरिएको
Shares
विद्युतीय सुरक्षा दिबसमा सचेतनामुलक प्रभातफेरी

सारांश

  • रत्ननगर, चैत २६ ।
  • पूर्वी चितवनको रत्ननगरमा सोमबार विद्युतीय सुरक्षा दिबसको अबसरमा सचेतनामुलक प्रभातफेरी गरिएको छ ।
  • नेपाल विद्युत प्राधिकरण रत्ननगर टाँडी वितरण केन्द्रले आयोजना गरेको सो प्रभातफेरीले टाँडी बजार परिक्रमा गरेको थियो ।

रत्ननगर, चैत २६ । पूर्वी चितवनको रत्ननगरमा सोमबार विद्युतीय सुरक्षा दिबसको अबसरमा सचेतनामुलक प्रभातफेरी गरिएको छ ।

नेपाल विद्युत प्राधिकरण रत्ननगर टाँडी वितरण केन्द्रले आयोजना गरेको सो प्रभातफेरीले टाँडी बजार परिक्रमा गरेको थियो । विद्युतको सही प्रयोग, चोरी नियन्त्रण र दुर्घटनाबाट जोगिन सार्वजनिक अपील गर्दै प्रभातफेरी निकालिएको वितरण केन्द्रका इन्जिनियर प्रदिप पौडेलले जानकारी दिए ।

प्रभातफेरीमा मुल व्यानरमा प्रलोभनमा नपरौं, विद्युतको सुरक्षित प्रयोग गरौं, सुरक्षा प्रतिको चासो, दुर्घटनाबाट बच्नेको साँचो, सुरक्षा सामग्री साथमा, आफ्नो सुरक्षा आफ्नै हातमा, नगरौ है चोरीको धन्दा, परिएला कानुनको फन्दा लगायतका लगायतका नारा लेखेका थिए ।

प्रभातफेरी पछि वितरण केन्द्रमा आयोजित कार्यक्रममा इन्जिनियर पौडेलले अहिले लोडसेडिङ नरहेको स्पष्ट पारेका छन् । प्रसारण लाइन सुधारको काम भइरहेकाले विजुली काटिएको भन्दै उनले लोडसेडिङ नभएको बताए ।

“लो भोल्टेजको समस्या अन्त्य गर्न प्रसारण लाइन सुधारको काम भइरहेको छ उनले भने, यो लोडसेडिङ होइन ।” उनले असार सम्म प्रसारण लाइन सुधारको काम जारी रहने भएकाले त्यो बेला सम्म समय समयमा लाइन जाने बताए । प्रभातफेरीमा प्रशासन प्रमुख मुक्तिकुमारी भट्टराई सहित अन्य विभागिय प्रमुख तथा कर्मचारीहरुको सहभागिता रहेको थियो ।

प्रतिक्रिया

तपाईंको विचार लेख्नुहोस्

० कमेन्ट

कमेन्ट लेख्नुहोस्

तपाईंको इमेल प्रकाशित हुँदैन। आवश्यक ठाउँहरू * ले चिन्ह लगाइएको छ।

महिमाखबर
महिमाखबर
‘सबैको, सबैभन्दा राम्रो’
सम्पादक बाट थप
यो खबर पढेर तपाईंलाई कस्तो महसुस भयो ?